கிளார் அகத்தீஸ்வரர் ஆலயத்தில் இன்று திருக்கல்யாணம்

D-Softech 0

காஞ்சிபுரம், அக்.25:

காஞ்சிபுரம் அருகே கிளார் கிராமத்தில் அமைந்துள்ள அகத்தீஸ்வரர் ஆலயத்தில் அறம்வளர் நாயகிக்கும், அகத்தீஸ்வரருக்கும் மாலை 6 மணி முதல் 7.30 மணிக்குள் திருக்கல்யாணம் நடைபெறுகிறது.

🔱 நெஞ்சை உருக்கும் "சிவ சிவாய போற்றி" இசை

அகத்திய முனிவர் தங்கியிருந்து வழிபட்ட பெருமைக்குரியது காஞ்சிபுரம் அருகே கிளார் கிராமத்தில் அமைந்துள்ள அறம்வளர் நாயகி சமேத அகத்தீஸ்வரர் திருக்கோயில்.பழமையான இத்திருக்கோயிலின் 7 வது ஆண்டு திருக்கல்யாண உற்சவத்தையொட்டி காலையில் கோ.பூஜையும்,மகா அபிஷேகமும்,சங்காபிஷேகமும் நடைபெறுகிறது.

இதன் தொடர்ச்சியாக பாம்பன் ஸ்ரீமத் குமரகுரு தாச சுவாமிகள் அருளிய குமாரஸ்தவம் கல்வெட்டு திறப்பு நிகழ்ச்சியும் நடைபெறுகிறது.

ஆலய வளாகத்தில் மாலை 6 மணிக்கு மேல் 7.30 மணிக்குள் அகத்தீஸ்வரருக்கும்,அறம்வளர் நாயகிக்கும் திருக்கல்யாண வைபவம் நடைபெறுகிறது.பின்னர் பஞ்சமூர்த்திகள் திருவீதி உலா வருதலும் நடைபெறுகிறது.