மேஷம் முதல் மீனம் வரை சுக்கிரன் பெயர்ச்சி பலன் 2023: செவ்வாயுடன் கூட்டணி சேரும் சுக்கிரன்..

சுக்கிரன் தனது வீடான ரிஷபத்தில் இருந்து ராசியில் மிதுன ராசிக்கு மே 2ஆம் தேதி இடப்பெயர்ச்சி அடைகிறார். மிதுனம் ராசியில் செவ்வாய் உடன் பயணம் செய்வார் சுக்கிரன். தொடர்ந்து கடக ராசியிலும் செவ்வாயுடன் இணைகிறார். 

சுக்கிரன் சுக போகங்களின் அதிபதி. இல்லறத்தில் தாம்பத்ய வாழ்க்கை மகிழ்ச்சியாக இருப்பதும் இவரது அனுக்கிரகத்தால் நடக்கக்கூடியதே. காதல் கிரகம் சுக்கிரன் இன்பங்களை தரக்கூடியவர்.  மனித வாழ்க்கையில் அன்பு, பாசம், காதல் ஆகிய மூன்று இன்பங்களை அளிக்கக் கூடியவர் சுக்கிரன். இன்பம் என்கிற ஆனந்தத்தை அடைவதற்குரிய மனநிலையை உருவாக்குகிறவர். 

செவ்வாய் பகவான் ரத்த காரகன். பொதுவாகவே செவ்வாயும், சுக்கிரனும் இணைந்திருந்தாலே காதல் விவகாரங்களில் வீரியம் அதிகரிக்கும். கோச்சார ரீதியாக இணைந்து பயணம் செய்யும் இந்த கிரக சேர்க்கை என்ன மாற்றங்களை செய்யப்போகிறது என்று பார்க்கலாம்.

மேஷம் : காதல் நாயகன் சுக்கிரன் தன வாக்கு ஸ்தானத்தில் இருந்து 3ஆம் இடமான முயற்சி ஸ்தானத்தில் செவ்வாய் பகவானுடன் இணைந்து பயணம் செய்வதால் காரிய வெற்றி உண்டாகும். மகாலட்சுமி யோகம் தேடி வரப்போகிறது. உங்களின் பேச்சுத்திறமை அதிகரிக்கும். கணவன் மனைவி இடையே அன்பான நேசம் கூடும். பரிசுகள் தேடி வரும். உடல் ஆரோக்கியத்தில் அவ்வப்போது கவனம் தேவை. இளைய சகோதரர்களின் உதவி கிடைக்கும். 

• வெள்ளிக்கிழமை பூஜை அறையில் மகாலட்சுமி தாயாரை விளக்கேற்றி வழிபட நன்மைகள் நடைபெறும்.

ரிஷபம் :   இதுநாள் வரை உங்கள் ராசியில் ஆட்சி பெற்று பயணம் செய்து வந்த உங்கள் ராசி நாதன் சுக்கிரன் இனி உங்கள் 2வது வீட்டில் அமர்கிறார். கணவன் மனைவிக்கு இடையே காதல் உணர்வுகள் அதிகரிக்கும். தன ஸ்தான சுக்கிரனால் பண வருவாய் அதிகாிக்கும். குடும்பத்தில் சுப நிகழ்ச்சிகள் நடக்கும். திருமண வயதில் இருப்பவா்களுக்கு திருமண பாக்கியம் கிடைக்கும். குழந்தைக்காக காத்திருப்பவர்களுக்கு நல்ல செய்தி தேடி வரும்.

• வெள்ளிக்கிழமை சிவ ஆலயம் சென்று அபிஷேகத்தில் பால் வாங்கி கொடுக்க நன்மைகள் அதிகரிக்கும். 

மிதுனம் : காதல் நாயகன் சுக்கிரன் உங்கள் ராசியில் செவ்வாயுடன் குடியேறியுள்ளார். பொன்னும் பொருளும் சேரும் நேரம் இது. தங்க நகைகள் வாங்கலாம். ஆடம்பரமான பொருட்களை வாங்குவதால் சுப செலவுகள் ஏற்படும். கணவன் மனைவி இடையே காதல் உணர்வுகள் அதிகரிக்கும். சிலருக்கு உணவு மூலம் பிரச்சினைகள் வரலாம் என்பதால் ஆரோக்கியமான உணவுகளை மட்டுமே சாப்பிட வேண்டும். 

• வெள்ளிக்கிழமை அம்மன் கோவிலுக்கு சென்று நெய் தீபம் ஏற்றி வழிபடுங்கள் நல்லதே நடக்கும்.

கடகம் : சந்திரனை ராசி அதிபதியாகக் கொண்ட கடக ராசிக்காரர்களே, உங்கள் ராசிக்கு விரைய ஸ்தானமான 12வது வீட்டில் சுக்கிரன் செவ்வாயுடன் குடியேறியுள்ளார். சுப விரையம் ஏற்படும். வீடு, வாகனம் வாங்குவீர்கள். சுப நிகழ்ச்சிகளால் செலவுகள் அதிகரிக்கும். கணவன் மனைவி மகிழ்ச்சியாய் இருப்பாா்கள். வாழ்க்கை துணையுடன் அந்நியோன்னியம் அதிகரிக்கும். பணம் வரும் போது பத்திரப்படுத்துங்கள்.

• வெள்ளிக்கிழமைகளில் துர்க்கா மந்திரம் கூறி வணங்கலாம். 

சிம்மம் : சுக்கிரன் உங்கள் ராசிக்கு 11வது வீடான லாப ஸ்தானத்தில் செவ்வாயுடன். வியாபாரத்தில் லாபம் கூடும் பண வருமானம் அதிகாிக்கும். பிள்ளைகள் வழியில் சிறப்பான பலன்களை எதிா்பாா்க்கலாம். வண்டி வாகன வசதி மேம்படும். திருமண வாழ்க்கையில் உற்சாகமடையும் வகையில் பல செயல்கள் நடைபெறும் மாதம் இது. வீடு நிலம் வகையில் ஆதாயம் கிடைக்கும். அரசனுக்கு இணையான வாழ்க்கை கிடைக்கும் காலமாகும். புத்திர பாக்கியம் கை கூடி வரும்.

• வெள்ளிக்கிழமைகளில் துர்க்கா மந்திரம் கூறி வணங்கலாம். 

கன்னி : உங்கள் ராசிக்கு 10வது வீட்டில் சுக்கிரன் அமர்ந்துள்ளார். தொழில் ஸ்தானத்தில் பயணிக்கும் சுக்கிரனால் உங்கள் வேலையில், தொழிலில் உற்சாகத்தை ஏற்படுத்தும். பணி இடத்தில் வார்த்தைகளில் கவனம் தேவை. குடும்பத்தில் மனைவியுடனோ அல்லது காதலியுடனே சின்னச் சின்ன ஊடல் ஏற்படலாம் சமாளியுங்கள். அமைதியாக நிதானமாக பேசவும்.

• வெள்ளிக்கிழமை அம்மன் கோவில்களுக்கு சென்று விளக்கேற்றி வழிபட நன்மைகள் நடைபெறும்.

துலாம் : உங்கள் ராசிக்கு 9ஆவது வீட்டில் சுக்கிரன் பயணிக்கிறார். வீட்டில் மனைவியின் அன்பான ஆதரவு கிடைக்கும். காதல் மலரும், கல்யாணம் கைகூடி வரும். நண்பர்கள், உறவினர்களுடன் உற்சாகமாக இருக்கும் காலம் இது. காதலிப்பவர்களுக்கு இந்த மாதம் குதூகலமாக அமையும். 

• வெள்ளிக்கிழமை சிவ ஆலயம் சென்று அபிஷேகத்தில் பால் வாங்கி கொடுக்க நன்மைகள் அதிகரிக்கும். 

விருச்சிகம் : உங்கள் ராசிக்கு எட்டாம் இடத்தில் சுக்கிரன் மறைவதால் பணம், விலை உயர்ந்த பொருட்களை பத்திரமாக வைத்திருக்கவும். பணவரவு அதிகரித்தாலும் செலவு வருதே என்று கவலை வேண்டாம் பரிகாரம் இருக்கிறது.வீட்டில் மனைவியின் உடல் நலத்தில் கவனம் வைக்கவும். இருவருமே கவனமாக இருந்தால் பாதிப்பை தவிர்க்கலாம். இல்லாவிட்டால் மருத்து செலவுகள் எற்படும். 

• வெள்ளிக்கிழமைகளில் துர்க்கா மந்திரம் கூறி வணங்கலாம். 

தனுசு : காதல் நாயகன் சுக்கிரன் உங்கள் ராசிக்கு 7ஆம் வீட்டில் பயணம் செய்கிறார். களத்திரத்தில் சுக்கிரன் பயணம் செய்கிறார். உங்கள் ராசிக்கு செவ்வாய் சுக்கிரன் பார்வை கிடைக்கிறது. ஏற்கனவே குருவின் பார்வையும் கிடைப்பதால் குடும்ப வாழ்க்கை குதூகலமாக இருக்கும். வாழ்க்கை துணை உடனான காதல் உணர்வுகள் அதிகரிக்கும். காதல் கணிந்து திருமணத்திலும் முடிய வாய்ப்பு உள்ளது. சுக்கிரன் ஏழாவது வீட்டில் செவ்வாய் உடன் இணைந்துள்ளதால் பெண்கள் விசயத்தில் சற்று கவனமாக இருக்கவும். 

• சுக்கிரனின் அருட் பார்வை கிடைக்க வெள்ளிக்கிழமை சுக்கிர ஓரையில் விளக்கேற்றி வழிபடவும். 

மகரம் : சுக்கிரன் உங்கள் ராசிக்கு 6வது இடத்தில் மறைவதால் உங்கள் உடல் நலனையும் பாக்கெட்டில் உள்ள பணத்தையும் பத்திரமாக பார்த்துக்கொள்ளவும். பணம் கொடுக்கல் வாங்கலில் கவனம் தேவை. வேலை பார்க்கும் இடத்தில் கடும் உழைப்பை கொடுக்க வேண்டிய காலமிது. பணம் நகைகளை பத்திரமாக வைத்திருக்கவும். வீட்டில் வாழ்க்கைத்துணையுடன் சின்னச்சின்ன சச்சரவுகள், ஊடல்கள் ஏற்பட்டு அதனால் சிலருக்கு மன அழுத்தம் ஏற்படும். விட்டுக்கொடுத்து செல்வது நல்லது. 

• வெள்ளிக்கிழமைகளில் துர்க்கா மந்திரம் கூறி வணங்கலாம். 

கும்பம் : காதல் நாயகன் சுக்கிரன் உங்கள் ராசிக்கு 5ஆம் வீட்டில் பூர்வ புண்ணிய ஸ்தானத்தில் பயணம் செய்கிறார். உங்களுக்கு கற்பனை வளமும் அழகுணர்ச்சியும் அதிகரிக்கும். வீட்டில் மனைவி, குழந்தைகள் மீது அன்பும் பாசமும் அதிகரிக்கும். வாழ்க்கைத் துணைவர் உங்கள் மீது காதல் மழை பொழியும் நேரமிது. மகாலட்சுமி யோகத்தால் திடீர் வருமானம் அதிகரிக்கும். காசு மேல காசு வந்து கொட்டுகிற நேரமிது என உற்சாகத்துடன் பாடப்போகிறீர்கள். 

• வெள்ளிக்கிழமை சிவ ஆலயம் சென்று அபிஷேகத்தில் பால் வாங்கி கொடுக்க நன்மைகள் அதிகரிக்கும். 

மீனம் : சுக்கிரன் உங்கள் ராசிக்கு 4வது வீட்டில் அமர்ந்து உள்ளதால் சிலர் வீடுகளை பராமரிப்பு செய்வீர்கள். வீட்டுக்குத் தேவையான அலங்கார பொருட்களை வாங்கி குவிப்பீர்கள். வண்டி வாகனம் வாங்கும் போது மட்டும் கவனமாக வாங்க வேண்டும் இல்லை எனில் செலவு இழுத்து விட்டு விடும். அம்மாவின் உடல் ஆரோக்கியத்தில் அக்கறை தேவை. 

• வெள்ளிக்கிழமை அம்மன் கோவில்களுக்கு சென்று விளக்கேற்றி வழிபட நன்மைகள் நடைபெறும்.